Dásseválddi presideantta kansliija
Dieđáhus 3/2017
26.1.2017
Dásseválddi presideanta Sauli Niinistö ja rovvá Jenni Haukio galledeaba 6.-7. guovvamánu Lappis Anáris ja Tervolas. Dát lea presideantapára vuosttas Suoma iehčanasvuođa 100-jagiávvujagi gudnin dahkkon eanagoddemátki.
Vuossárgga 6. guovvamánu presideanta Niinistö ja rovvá Haukio ávvudeaba Anáris sámi álbmotbeaivvi. Presideantapárra oassálastá Sámi oahpahusguovddáža sihke Anára gieldda vuođđoskuvllaid ja logahaga ordnen SuomiSápmi 100+100 -ávvudeapmái, mas presideanta Niinistö ovdanbuktá dearvvahusa. Dilálašvuođas ávvudit maiddái Suoma iehčanasvuođa.
Ávvudoaluid maŋŋá presideanta Niinistö ja rovvá Haukio galledeaba Sámemusea, Luondduguovddáš Siiddas. Musea váldočájáhus buktá ovdan sámekultuvrra ja Sámi luonddu. Lassin museas leat dál oaidnimássii čuovgagovat Ávžžásjávrri sámesiidda eallimis 40 jagi duohken. Presideanta Niinistö deaivá Anáris maiddái sámedikki ovddasteaddjiid ja gieldda njunnošiid, ja rovvá Haukio galleda bealistis Anára gieldda váldogirjeráju Avvilis.
Maŋŋebárgga 7. guovvamánu presideanta Niinistö ja rovvá Haukio deaivaba riikkavuložiid Tervolas, gos dán jagi lea 150-jagiávvudeapmi. Riikkavulošdeaivvadeapmi dollojuvvo Lapinniemi skuvlenguovddáža sisšiljus dmu 11.15. Deaivvadeami maŋŋá presideanta Niinistö oahpásmuvvá Tervola Saha ja Höyläämö Oy doibmii. Rovvá Haukio fas galleda Vanhala sávzadálus.
Presideanta Niinistö johtá dán jagi buot eanagottiin. Čuovvovaš mátkkit leat Pirkanmaa 15. guovvamánu, Päijät-Häme 22. guovvamánu, Kymenlaakso 28. guovvamánu ja Davvi-Savo 19. njukčamánu. Dáid eanagoddemátkkiid prográmmas ja eará eanagoddemátkkiid áiggiin dieđihuvvo maŋŋeleappos.